Muniði ekki eftir því þegar við vorum tekin í ÞURRT af olífélögunum?

Ég er ekkert smá stolt af þessu fólki sem stendur í mótmælum þessa dagana. Ég ætti kannski bara að fljóta með þeim næst ef þeir halda áfram að mótmæla hér á Akureyri en mér skilst að þeir/þau séu hætt í bili. En mér finnst að olíufélögin megi alveg lækka eldsneytisverð slatta þar sem að þeir tóku okkur í ÞURRT rassgatið hér ekki fyrir löngu síðan.

Loka fyrir umferð olíubíla

Athugasemdir

[Geiri (IP-tala skráð) 4.4.2008 kl. 13:25]

Það er ekki verið að mótmæla olíufélögunum. Taka okkur þurrt? Eru þá öll einkafyrirtæki að gera það sama? Eftir kaupverð og álagningar ríkisins eru olíufélögin með um 10-20% álagningu, er það eitthvað óvenjulega hátt miðað við hvað gengur og gerist í samfélaginu? Nei.

Er það eitthvað hærra en olíufélög erlendis eru að taka? Nei.

Eru álagningar ríkisins hærri en meðaltal í heiminum? Já.

Er einkabílinn mikilvægari á Íslandi miðað við flest önnur lönd? Já. 

Er minnihluti álagninga að fara í vegakerfið? Já.

Ríkið er enemy #1, ekki olíufélögin.

[Sigurgeir (IP-tala skráð) 4.4.2008 kl. 13:52]

Ertu þá að segja að með verðsamráði hafi þau ekki verið að taka okkur í þurrt? Þegar það er verið að senda tölvupósta á milli og semja sín á milli hvað á að bjóða hverjum og hver eigi að fá hin dílinn og hver hinn? Réttilega ættu þessir aumingjar að borgar hverjum einasta Íslendingi skaðabætur.

[Kolla (IP-tala skráð) 4.4.2008 kl. 14:20]

Geiri: Ég veit að það er ekki verið að mótmæla olíufélögunum enda er ég ekki að segja það hér í þessari færslu. Það sem ég er að meina er að olíufélögin mættu að sjálfsögðu taka sig saman og lækka verðið þar sem að þeir tóku okkur í þurrt!!! Ég held að við eigum það nú skilið.

Sigurgeir: Ég er sammála þér.

[Geiri (IP-tala skráð) 6.4.2008 kl. 16:15]

Enda eru samkeppnislög það fáranleg að þau geta varla hreyft sig án þess að brjóta lög. T.d. væru einhver örugglega búin að sameinast og leggja allt á borðið fyrir almenningi, fákeppni á markaðnum yrði sýnilegri. En vegna samkeppnislaga þá eru þau frekar að spjalla saman bak við tjöldin Og eins og hefur oft verið nefnt þá er ekkert gagn í því að sekta þau um einhverja milljarða enda fer það þá bara í álagninguna eftir á. Við eigum að velja annað hvort frjálsan einkageira eða sósíalisma, það er erfitt að reyna að troða þessu í sama pakkan í sama geira. Ef fyrirtæki mega ekki starfa frjálst og ráða eigin álagningu þá getum við alveg eins þjóðnýtt og haft Olíufélag ríkisins, eins og við vitum öll er ríkið alltaf hóflegt í álagningu miðað við einkafyrirtæki *hóst*.

Auðvitað var þetta samt sem áður óheiðarlegt en ég er ekki sammála því að það sé hægt að flokka þetta sem þjófnað. Öllum var ljóst hvað verðið á líternum var og maður samþykkti þau viðskipti. Enginn er neyddur til að stunda viðskipti við þessi einkafyrirtæki. Samkeppni er eitthvað sem á að vera eðlilegt fyrirbæri sem myndast samkvæmt markaðslögum, það eru ekki mörg dæmi um að ríki hefur getað búið til samkeppni með reglugerðum. Þetta er allt sýndarmennska og samkeppnisstofnun hefur lítil sem engin áhrif á markaðinn.

20 kr álagning sem á að fara í rekstrarkostnað og gróða er ekki mikið, mjög lítið miðað við það sem gengur og gerist í einkageiranum hér á landi. Flestar matvörur hafa meiri álagningu. En 70 kr álagning ríkisins er brjálæði og aðal ástæðan fyrir háu olíuverði hér á landi. Almenningur og FBÍ þurfa að vera duglegri að benda annað en á einkafyrirtæki.